Forum von insieme 21

Halllooo metenand, endlich weder mal NEWS vo eus!!

Ech chönnt vor Freud die ganzli Welt umarme, und am liebste wöris jedem verzelle, eusi Shoana chan laufe!
Ech han bald nömme dra glaubt, und jedes Mal überrascht Sie eus i dem Moment met eme Entwickligsschritt.
Sid Afang Mai lauft eusi Gross also au, und wie zfriede das Chend jetzt esch, sie chan endlich go luege was Sie well und hed natürlich au scho die erste Usrissversüech hinder sech!

Au met Geste gohts guet vorwärts und mer händ no emmer all Woche Früeherziehig und Physio.
Noch de Sommerferie gohd d`Shoana ein halbe Tag i de HPS i d`Spielgruppe und ein halbe do im Dorf, mer freued eus!

Ech chönt no so vell verzelle, aber das hani jetzt müesse loswerde, ech be überglücklich!

Ganz en schöne Sommer met euchne Chend!


Jana ,met Shoana und Familie

Gratuliere! Weder en Meilestei... ond es wärdid no velli folge.

Liebi Grüess
Beatrice mit Lars (Feb 04, DS) und Niels (Nov 07)

Hallo
Jo dini Freud chani novollzieh; mitte März het üsen Aaron au sini eigene Weg afange goh. Au wenn er jetz halt schnell wiit chunt, bini doch au sehr erliechteret und froh. Jetz dusse endlich chöne uf eigene Bei underwegs si...
Liebi Grüess

Hallo Jana

Ich freue mich sehr für euch . Schön dass es euch so gut geht!

Liebe Grüsse