Hallo metenand mer wette eus au vorstelle

[Sonneschiin]

Hallo metenand, mer send en chliini Familie usem Kanton Luzern min Maa Sascha esch 30gi worde und ech heisse Jana und ben 26 gi.
Eusi Tochter Shoana esch am 18.6.07 uf d`Wält cho, 3 Täg nach de Geburt hed mer bi ihre dur de Chromosometest s`Down Syndrom festgstellt. Dezue esch en Herzfehler cho, de typischi AV Kanal.
Vo de erste Minute a hed euse chlii Spatz eus verzauberet und eus es wunderbars Vertroue gschänkt, dass mer kei Minute Angst gha händ vor all dem was no werd cho. Mer händ die erste vier Mönet jedi Minute als Familie gnosse und Endi Oktober esch d`Shoana den im Inselspital Bern operiert worde.
Die Pfleg und Betreuig wo mer det händ dörfe erlebe esch super gsi. Sie hed sech schnell und guet erholt, es esch es Restlöchli blobe, wo eusi Tochter mol no inere 2. OP muess flicke.

D`Shoana esch mittlerwile 1 jährig worde und chan sid paar Woche selber sitze. Schmüsele esch ihres grosse Hobby und sie esch en absolute Papifan.

Es esch für eus nie e Frog gsi, für eus esch eusi Tochter eifach en wunderbare Schatz, öpis ganz speziells, es esch keis Schicksal, es esch en Chance.

Wies vellecht so einigi Eltere vo Chind met DS könned, hed d`Shoana vom erste Tag a dore pfuset, hed fast nie brüelet und esch eigendlich immer z`friede.
Mer händ eus entschiede sofort weder es Schwanger z`werde und so esch d`Shoana am 20.4.08 grossi Schwöschter worde. Ehr gsähnd es gohd immer öpis bi eus.

Mer wöre eus riesig über Kontakt met anderne Familie freue.

[Brigitte]

Hallo miteinander

Herzlich willkommen im Forum. Es freut mich, dass ihr so gut klar kommt mit dem Down Syndrom eurer Tochter. Unsere Tochter Kim wird im Oktober vier und natürlich trifft auch auf sie die Bezeichnung Sonnenschein bestens zu.

Ich wünsche euch noch ganz viele unvergessliche Momente mit Shoana und ihrem kleinen Geschwisterchen.

Falls du willst, können wir uns gerne einmal treffen. Wir wohnen in Malters, also nicht allzu weit weg von Dagmersellen.

Herzliche Grüsse

[Wiedmers]

Zersch mau härzlich Willkomme. Bi üsere Jaël isch am 26. Juni 08 dr AV Kanal korrigiert worde, si het sich ou sehr schnäu erhout u het 12 Tag nach dr OP scho wider hei dörfe jetz isch si de morn grad ä Wuche deheim.
Mir würde üs ou über Kontakt zu angerne Familie freue und freue üs dämentsprächend über ne Nachricht we dir möchtet.

Aus guete mit euem chline Schatz.

Alexandra (25) Stefan (25) mit Jaël-Noemi(DS,4,5Mt.)

[Ginetta]

Hallo zämme

Herzlich willkomme!

Do heit Dir sicher alli Händ voll z'tue... mit emene Baby und euchem tolle Schatz.
Wie guet hett d'Shoana ihr Gschwüschterli uffgno?

Euse Sohn Leon isch au grad jährig worde und Nachwuchs isch au plant, drum interessiert's mi brennend...

Freut mi wieder öppers mehr do im Forum z'ha..
Ginetta mit Leon

[Sonneschiin]

Hallo, zerst mal danke für die schnelle Antworte.

@ Brigitte

Wir können uns gerne einmal treffen, würde uns sehr freuen.

@ Wiedmers

Mer gratuliere euch herzlich zu euchere bsondre Tochter und natürlich gratuliere mer ihre, dass Sie d`OP guet überstande hed, es esch ned selbstverständlech, eusi Chind send wörkli chlini Kämpfer.
So en Herz OP esch für alli Angehörige en schweri Ziit.
Es esch schön gohds de Jaël so guet, mer hoffe no vell vo euch z`ghöre.

@ Ginetta

Ja, z`tue geds sicher, aber das händ mer eus so gwünscht
D`Shoana hed ihri Schwöschter Sarina sehr guet ufgnoh, es esch wunderschön z`gseh, wie Sie enand alached, wenns am Morge ufstöhnd.
Sie esch eigendlich au nie gross iversüchtig und wenn d`Shoana mal uswärts bim Grosi pfuset, so suecht Sie ame ihri chlii Schwöschter.

De Leon esch ja demfall öpe glich alt wie eusi Shoana.
Er wör sech bestimmt über es chlises Gschwöschterti freue.



@ all

Leider händ mer aber do im Dorf verschiedeni Reaktione dörfe erlebe....
Jetzt händ doch die es behinderets Chind und bechöme no eis.... etc....
Oder ech welli d`Bestätigung au es gsunds Chind chönne uf d`Wält z`bringe..... etc.

Ech han au ned grad en eifachi SS gha, den i de 25te Woche hed mer bi eus en Toxoplasmoseinfekt vestgstellt. Wenn sech s`Chind ja asteckt cha das ganz schlimmi Folge ha, also vellfach Taubheit, Blind und Schwertsbehinderige bim Chind. Nach 13 Woche hoffe und bange esch den d`Sarina am 20.4.08 gsund uf d`Wält cho.

Ech han müesse lehre dass es ned wichtig esch, was anderi Lüüt über eus verzelle.


liebi Grüess

[Barbara Camenzind]

Hallo Familie Sonneschii
Härzlich willkomme au vo mir und em Laurin. Ich freue mich das hier im Forum wieder so viele neue und positive Familien sich treffen. Toll wie ihr jungen Eltern Euer Kind so ins Herz geschlossen habt! Hört einfach nicht auf die blöden Sprüche wegen dem zweiten Kind. Meine 8-Jährige Tochter Zora sagte neulich zu ihrer Lehrerin; sie wolle 30 Kinder. Die Lehrerin fragte erstaunt warum. Sie sagte; damit sie sicher eines mit Down-Syndrom bekomme... das seie ja so selten. Ihr hatte jetzt halt schon beim ersten grosses Glück !!!
Grüssli Barbara und Laurin